Nafarroako Foru Erkidegoko torneoa maiatzaren 8an hasi zen eta bertan parte hartu zuten Nafarroa, Gipuzkoa, Araba eta Iparraldeko pilotariek. Kanporaketa gogorren ostean, herritarraren bikoteak aurrera egin zuen hilaren 6an jokatu zen finalera iritsiz. Azken neurketa borrokatua izan zen, eta bertan Arruti eta Gomez izan zituzten aurrez aurre, 13-18ko emaitzarekin garaipena lortuz.

Bestalde, Intzako pilotariek ere aurrera pausoa eman dute Lau eta erdiko txapelketako finaletarako bidean. Oier Elola eta Ekhi Maiz euren mailako lehian sailkatu dira aurkariak gaindituz. Era berean, Kimetz Atorrasagasti ere sailkapena eskuratu du, aurkaririk agertu ez baitzen.

Honakoak izan ziren emaitzak: Eskuz, banaka, 4 1/2 txapelketan, Kadete 2. Mailan, Intza KE (Atorrasagasti) 22-0 irabazi zion Hernani-ri, eta Ilunpe k 17-22 galdu zuen Intza KE (Elola) ren aurka. Kadete 3. Mailan, berriz, Intza KE (Maiz) 22-9 nagusitu zitzaion Tolosari.

Maiz ek Kadete 3. mailako finalerdia jokatuko du Gaztelupeko Armendariz en aurka. Elola k eta Atorrasagasti k, berriz, Kadete 2. Mailako final laurdenak izango dituzte LAPKEko Elorza ren eta Intxurreko Leo ren aurka, hurrenez hurren.

Eskola mailako Udaberri txapelketan, berriz, Infantil 1. mailako taldeak ezin izan zuen aurrera egin. Partida estua jokatu zuten Aretxabaleta 1en aurka, baina azken hauek eskuratu zuten garaipena, 16-18ko emaitzarekin.