Eusko Jaurlaritzak 1.600 milioi euroko inbertsio programa bat du aurrerantzean lehen arretarako, ospitaleetarako, ekipamenduetarako eta osasun teknologiarako. Helburua 2032 ra arte osasun sistema publikoa indartzea eta Europako aurreratuenen artean mantentzea da. Programa honek Europako Inbertsio Bankua ren (EIB) finantzaketa izango du, zeinak 500 milioi euro jarriko dituen. Gaur bertan sinatu dute maileguaren lehen zatia, 250 milioi eurokoa, Bilbo n.

Akordioari, ingelesez Euskadi Health Care Programme izena jarri diote. Guztira 74 ekintza zehatz eta zeharkakoak aurreikusten ditu programak. Inbertsiorik handiena, 842 milioi euro, ospitaleen hobekuntzan eta eraikuntzan bideratuko da.

Zehazki, Tolosako (Gipuzkoa) ospitale berri baterako 107 milioi euroko aurrekontua izango da. Donostiako minbizia tratatzeko protoi terapia zentroak 61,4 milioi euro jasoko ditu. Horrez gain, kanpo kontsultetarako eraikin berriak eraikiko dituzte Basurtuko, Donostiako, Galdakaoko eta Gurutzetako (Barakaldo, Bizkaia) ospitaleetan.