Eusko Jaurlaritzako Ongizate, Gazteria eta Erronka Demografiko Saila k Mugikorrik Gabeko Familia Eguna antolatu du Euskadiko hiru hiriburuetan, apirilaren 18an. Donostian, ekitaldia Okendo plaza n izango da, non hainbat jarduera doan eskainiko diren, jolasteko, hitz egiteko eta pantailarik gabe denboraz gozatzeko.
Ekimen honen helburu nagusia familien ongizate emozionala eta harremanekoa sustatzea da, mugikorraren erabilerak eguneroko bizikidetzan duen eraginaz kontzientzia hartzea eta orientazio digital positiboa bultzatzea. Jardunaldi hau familiei zuzenduta dago esklusiboki, eta familia barruko akordioak indartzea bilatzen du.
“"Mundu hiperkonektatu batean, mugikorra gure eguneroko bizitzaren parte da. Informazioa ematen digu, konektatzen gaitu eta zeregin asko errazten dizkigu. Baina batzuetan, konturatu gabe, gertuen ditugunengandik ere urruntzen gaitu."
Familiek beren mugikorrak poltsa seguru eta zaindu batean uzteko aukera izango dute, adostutako ordu kopuru batez mugikorrik gabeko denbora esperimentatzeko. Gainera, Sailak 'Familia Konpromisoa' izeneko dokumentua jarriko du eskura, teknologiaren erabilera kontzienteago baten aldeko konpromisoa adierazi nahi duten familientzat.
Okendo plaza ko guneak 11:00etatik 19:00etara egongo dira irekita, etenik gabe. Familia edo komunitate esku-hartzean trebatutako eta euskara zein gaztelania menderatzen duten langile kualifikatuak egongo dira, konfiantzazko giroa sortzeko eta dinamikak Euskadin dauden familia errealitateen aniztasunera egokitzeko.
