Etxeluze gaztetxeak bere 16. urteurrena ospatuko du ekainean, eta ospakizun horren atarian, hiru ekitaldi berezi antolatu ditu giroa berotzen hasteko. Lehen hitzordua maiatzaren 22an izango da, non Gailu eta Harat taldeek kontzertuak eskainiko dituzten.
Emanaldiak iluntzeko 22:00etan hasiko dira, eta sarrerak 8 euroan eskuratu ahal izango dira gaztetxean bertan. Gailu taldea Andoaindik (Gipuzkoa) dator, eta bere kideak BAP!!, Anari, Inoren ero ni edota Occhi di Farfalla bezalako taldeetan aritutako musikari esperientziadunak dira.
“"Erritmo dantzagarri eta errezitazio paregabeekin, jendea dantzan jartzen duten hirukotea da honakoa."
Bestalde, Harat taldea Beratik (Nafarroa) dator, eta ibilbide luzeko musikariek osatzen dute. Haien estiloa sailkatzea zaila da, baina rockaren oinarritik abiatuta, soinu, erritmo eta hitz garratz-gozoak eskaintzen dituzte.
“"Beraiek egiten dutenari ezin zaio etiketa jarri, benetan merezi du laukotea oholtzan ikusteak. Rocketik abiatuta, soinu, erritmo eta hitz garratz-gozoak eskaintzen dituen taldea da honakoa hau."
