Argixao Atletismo Taldea k lan bikaina egin zuen Gipuzkoa ko Absolutuan, klub federatu gisa lehen aldiz parte hartuz. Taldeak bai lan kolektiboan, bai banakakoan, emaitza aipagarriak lortu zituen probintziako txapelketan.
Banakako lehiaketan, Nekane Iturbe k lehen postua eskuratu zuen pisu jaurtiketan, Gipuzkoa ko txapeldun bilakatuz. Horrez gain, Leire Viedma k hirugarren postua lortu zuen 100 metro hesidunetan.
Talde moduan ere nabarmendu ziren Argixaoko ordezkariak, hirugarren postuan sailkatuz. Horretarako, Nora González (100 eta 200 m), Iraia Mendizabal (100 m), Irati Tobar (200 eta 400 m), Maialen Arratibel (200 m), Kattin Oiartzabal (400 eta 800 m), Leire Viedma (100 eta 400 m hesidunak), Jone Carrera (tripe salto) eta Nekane Iturbe (pisu jaurtiketa) atleten ahalegina izan zen erabakigarria.
4 x 100 metroko erreleboan, Kattin Oiartzabal, Nora González, Irati Tobar eta Maialen Arratibel aritu ziren. Talde honek gure klub gaztea, federazio lehiaketetan erreferentziazko hirugarren klub bihurtu zuen probintzian, Real Sociedad eta Super Amara Bat bezalako klub historikoen atzetik.
Taldeak adierazi duenez, "hasiera bikaina da gure klubarentzat lehiaketa federatuetan, eta gure atletek egindako lanari esker da, denboraldi handia osatzen ari baitira".
