Prozesu honen helburua da udalerriaren egungo beharrak ezagutzea, lehendik dauden espazio eta zerbitzuen gabeziak identifikatzea, eta eraikinari erabilera baliagarri, errealista eta biztanleria osoarentzat onuragarria ematen lagunduko dioten ideia eta proposamenak biltzea. Horretarako, hainbat parte-hartze tresna eta gune jarri dira abian, urrian gauzatuko direnak. Prozesua amaitutakoan, Udalak emaitzak argitaratuko ditu, eraikinaren erabilera zehazteko oinarri gisa balioko dutenak.
Parte hartzeko moduak honakoak dira: urriaren 29an, osteguna, bi kafe-tertulia saio egingo dira, bata goizean 12:00etan eta bestea arratsaldean 17:00etan. Interesdunek aukera izango dute beren ordutegira hobekien egokitzen den saioan parte hartzeko. Parte hartzeko, urriaren 28rako izena eman beharko da, helbide elektronikora idatziz: partleftrightarrowzea@gorbeialdea.eus edo 945 430167 telefono zenbakira deituz, zein saiotara joango den adieraziz.
Parte hartzeko saiora joan ezin baduzu, egin zure proposamena urriaren 28ra arte hurrengo inprimakia betez: inprimaki hau. Inprimakia fisikoki ere eskuragarri egongo da udaletxean, eskatzen dutenentzat.
Ez galdu aukera, zure iritzia garrantzitsua da! Urkabustaizko Udalak gogorarazten du udalerri hobe bat eraikitzea zeregin partekatua dela. Parte hartu Urkabustaiz eraikiz!
