Aurten lehen aldiz antolatu den emakumezkoen harri-jasotze txapelketak parte hartzaile bikainen erakustaldia ikusteko aukera eman du. Emakumezkoetan, Maddi Gesalaga, Estefi Etxebeste, Olaia Esnaola, Udane Ostolaza eta Eider Gartzia izan dira lehian. Gizonezkoetan, berriz, Gari Garmendia, Mikel Lopetegi Urra, Jon Unanue Goenatxo, Xabier Aranburu Guzta, Eneko Bilbao eta Sergio Mielgo aritu dira nor baino nor.

Lehiakideek bost harrirekin lan egin behar izan dute, 10 minutuko txanda bakoitzean harri bakoitzari bi jasoaldi eginez. Izeta eskolako bi harrijasotzaileek lortu dute helburu hori. Emakumezkoetan, Maddi Gesalagak irabazi du txapela, minutu bat eta 50 segundoko denborarekin. Gizonezkoetan, berriz, Mikel Lopetegi Urrak eskuratu du garaipena, bi minutu eta 27 segundoko denborarekin.

Sailkapenak honela geratu dira:
Emakumezkoak:
- Maddi Gesalaga, 01:50
- Estefi Etxebeste, 01:52
- Udane Ostolaza, 03:01
- Olaia Esnaola, 03:36
- Eider Gartzia, 05:38
Gizonezkoak:
- Mikel Lopetegi Urra, 02:52
- Gari Garmendia, 02:58
- Jon Unanue Goenatxo, 04:15
- Xabier Aranburu Guzta, 04:37
- Sergio Mielgo, 07:16
- Eneko Bilbao, -