Gertakaria ostiral goizaldeko 01:00 ak pasata jazo da, Askatasuna hiribideko bosgarren solairu batean. Hasierako ikerketen arabera, kandel batek alfonbra bat erre du, eta horrek eragin du sua.

Ke ugari zegoenez, kaltetutako lau pertsonak osasun-zerbitzuek artatu dituzte lekuan bertan, eta ondoren Galdakaoko Ospitalera eraman dituzte. Suhiltzaileek azkar itzali dute sua, eta ez da kalte pertsonal gehiagorik izan, ezta eraikinaren gainerakoan ere.