Juan Antxieta Musika Eskolak irailaren 7an hasiko du ofizialki 2026-2027 ikasturtea, prestaketa lanak aste bete lehenago hasita. Zentroak aurrez aurreko eskolak eskainiko ditu 2 urtetik aurrerako haur, nerabe eta helduentzat, musika ikasi eta esperientzia horretaz gozatu nahi duten guztiei zuzenduta.
Aurtengoan ere, hainbat instrumentu jotzen ikasteko aukera izango da, baita ahotsa lantzeko eta musika esperientzia bakarka zein taldean bizitzeko baliabideak ere. Ikastetxeak musikaren zaletasuna duten guztiei ateak irekita dituela adierazi du, eta interesdunen behar eta ezaugarrietara egokitzen dela gaineratu du.
Izen emateko epea zabalik dago jada, irailaren 1etik aurrera, 'Aurkitu zure erritmoa' lelopean. Informazio gehiago nahi dutenek ikastegiko bulegora jo dezakete, Soreasuko eraikinaren 2. solairuan, edota antxieta@antxieta.eus helbide elektronikora, www.antxieta.eus webgunera edo 656 00 80 40 telefono zenbakira.
