Garai ko frontoia artilea lantzeko erakusleiho bihurtu zen zapatuan, Trumoitte elkarteak eta Baztango Artilan etxeko artisauak antolatutako jardunaldian. Herritarrek antzinako tresnekin lan egin zuten, artilea lantzen.

Trumoitte elkarteko Alazne Sarrigoitiak jardunaldia "interesgarria bezain entretenigarria" izan zela adierazi zuen. "Oso gustura egon ginen. Gainera, Garai moduko herri txikietan oraindik badira ardiak, eta tailerra aproposa izan da sasoi bateko lana ikasteko eta lehengaiari bestelako erabilera bat eman dakiokeela ikusteko".

Bestalde, Trumoitte elkarteak dei egin die herritarrei, Durangaldeko hainbat etxetan artilea lantzeko garai bateko makineria gordeta baldin badute, uztera. Ikastaroetan erabili nahiko lituzkete makina horiek, antzinako artilegintzari bizi berri bat emateko. Horretarako, elkarteko kide batekin harremanetan jartzeko eskatu dute (685777398).