Atzo goizean dozena bat lagun atera ziren Oxford aretotik pintzelak eta mihiseak eskuetan zituztela, kaleko pintura lehiaketan parte hartzeko. Hiruzpalau ordu izan zituzten herriko txoko batean buruan zuten paisaia edo eraikina margotzeko. Eguerdian aurkeztu behar izan zuten lana, lehiaketa hasitako leku berean.

Jokin Telleria ren margolanak eskuratu zuen lehen saria, 900 eurokoa. Telleriak Inpernupeko kala irudikatu zuen bere obran, Talaimendi azpitik begiratuta margotutako paisaia. Zumaiar onenaren saria, berriz, 300 eurokoa, Maria Isabel Aizpurua rentzat izan zen; hark Udaletxearen atzealdea, Harategi kalestua eta haren alboko arkua margotu zituen.

Bigarren saria Josue Garcia ren lanari eman zioten, flyschak irudikatzen dituen obragatik. Hirugarren postuan geratu zen Eneko Arruza, Balenciaga ontziola ren margolanari esker.

Gaztetxoek ere parte hartu ahal izan zuten sariketan. Epaimahaiak bi lan hautatu zituen: txikien saria Enara Dublange k lortu zuen, eta gaztetxoena Aiora Arruza rentzat izan zen. Biak ala biak Pinturas Rubio dendako opariak jaso zituzten.

Rosa Ruiz, Mireia Lizundia, Udane Juaristi, Valentin Manterola, Josean Legorburu, Francisco Hernandez eta Marina Bidasoro k osatu dute aurtengo epaimahaia. Sari banaketa ekitaldian aitortu zuten moduan, lan zaila izan dute, parte hartzaileek maila altua erakutsi baitute.

Gaurtik hasi eta hilaren 14ra bitartean, lehiaketara aurkeztutako lan guztiak erakutsiko dituzte Oxford aretoan.