Guztira zazpi establezimenduk bat egin dute aurtengo edizioarekin. Ekimena sukaldaritza tradizionala eta sormenezko proposamenak uztartzeko helburuarekin antolatu da, herritar zein bisitariei ibilbide gastronomiko bat eskainiz.

Parte hartzen duten tabernen artean, hainbat proposamen aurki daitezke: bakailaoa oinarri duen pintxoa, patata eta txerrikiak dituzten elaborazioak, edo brioche ogia eta haragi mota desberdinak uztartzen dituzten aukerak. Ibilbidea herriko hirigunetik hasi eta Goiuria auzoraino hedatzen da.

Datorren igandera arte, bezeroek aukera izango dute tabernaz taberna ibili eta euren pintxo gogokoena aukeratzeko, herriko gastronomia sustatzea helburu duen lehiaketa honetan.