Alegiarrak erakustaldia eman du finalaurrekoan, eta Lasori aurre hartu dio nagusitasunez. Partida oso ona jokatu du, bereziki lehen zatian, non sakearekin eta errematearekin min handia eginez, aurkariari aukerarik eman ez dion.
Markagailuan alde handia lortu du hasieratik (6-0, 10-1), eta lehen atsedenaldira ia partida erabakita heldu da (12-2). Bigarren zatian ere nagusitasuna mantendu du (16-3), eta azkenean 22-13 irabazi du, nahiz eta pilotan sufritu behar izan duen une batzuetan.
“"Bolada batean, lan gehiago egin behar izan dut, eta pixka bat sufritu dut. Hala ere, gustura nago egindako lanarekin, uneoro kontzentratuta jokatu dudalako."
Artolak adierazi du partida «buruz prestatzen saiatu» dela, fisikoki asko prestatu ezin izan duen arren. «Ez du bere eguna izan, eta aprobetxatu egin behar nuen», gaineratu du Lasoren egoerari buruz.
Bigarren finala jarraian jokatuko du Artolak buruz burukoan. «Ametsik onenetan ere ez nuen pentsatuko hala izango zela», aitortu du. Bihar jakingo du noren aurka jokatuko duen finala: Dario edo Larrazabal.
Partida honetan, Artolak 15 tanto egin ditu (3 sakez), eta Lasok, berriz, 10 (3 sakez). Guztira, 223 pilotakada jo dituzte 55 minutuko norgehiagokan.
