Emakumeon Etxea Kalezarko Pelaioenean kokaturiko udal zerbitzua abuztuaren 7tik 28ra itxita egongo da. Irailaren 1etik aurrera berrezarriko dute ohiko ordutegia, astearte eta ostegunetan, 12:00-14:00 edo 17:00-19:00 tartean.
Udaletxea, Potxoenea eta Gizarte Zerbitzuak uda osoan zabalik egongo dira. Udaletxea 09:00-14:00 artean irekiko da astelehenetik ostiralera. Barrenkale 2ko egoitza berrira lekuz aldatu diren Gizarte Zerbitzuek ere ohiko ordutegian jarraituko dute abuztuan, astelehenetik ostiralera, 09:00-14:00 artean, asteazkenetan izan ezik, telefono bidezko arreta eskainiko baita.
Sutegi udal liburutegia udako ordutegian ari da lanean uztailaren 1etik irailaren 4ra arte, astelehenetik ostiralera, 09:30-14:00 artean. Gainera, uztaileko astelehenetan arratsaldez ere zabalik egongo da, 17:00-19:00 artean. Irailaren 7an ohiko ordutegia berreskuratuko dute.
Oiardo kiroldegia ren ordutegia egokitu dute uztailean eta abuztuan. Abuztuaren 1etik 16ra itxita egongo da. Lanegunetan 7:00-20:15, larunbatetan eta igandeetan 9:00-13:00 artean izango da zabalik.
KzGunea uztailaren 30era arte arratsaldez irekiko da, 16:00-20:00 artean. Uztailaren 31n itxita egongo da. Abuztuan ere itxita egongo da, eta irailaren 1ean berrireki.
Bidez Bide doako bus-taxi zerbitzua uztail osoan goizez bakarrik ibiliko da (7:30, 10:30 eta 13:30eko irteerak). Abuztuan etenda egongo da eta irailaren 1etik aurrera ohiko ordutegira itzuliko da.
Euskotren ek udako ordutegia indarrean du ekainaren 22az geroztik, asteburuetan zerbitzua indartuz, batez ere hondartzak dituzten kostaldeko herrietara joan-etorriak errazteko. Eguerditik aurrera, orduerdiro eskainiko dira zerbitzuak.
Garbigunea Atallu industriagunean uztailaren 15etik irailaren 15era ordutegi berezia izango du: astelehenetik ostiralera, 10:15-12:50 eta 16:00-18:20; larunbatetan, 09:00-12:50. Igande eta jai-egunetan itxita.
NOAUA! K.E. aldizkariaren hurrengo alea irailaren 4an argitaratuko da. Ordura arte, webgunea eta sare sozialak eguneratzen jarraituko dute auzoetako jai egunetan.
