Iurretako Ibaizabal ibaian 78 urteko gizon baten gorpua aurkitu dute astelehenean. Segurtasun Sailak jakinarazi duenez, herritar batek ikusi du gorpuak ibaian flotatzen zuela, Padureta etxebizitza multzoaren inguruan.
Abisua 8:20an jaso da. Ertzaintzaren patruilak eta osasun taldeak bertaratu dira, eta gizonezkoaren heriotza baieztatu dute.
Ondoren, gorpuaren autopsia egiteko eraman dute, eta horrek zehaztuko ditu heriotzaren zergatiak. Era berean, Ertzaintzak ikerketa abiatu du gertakariaren jatorria argitzeko.
