Elkano auzoak bere San Pedro jaiak ospatuko ditu bihartik, ekainaren 28tik, uztailaren 5era arte. Jaiak bihar arratsaldeko 20:00etan hasiko dira txupinazo eta kanpaien jaurtiketarekin. Egitarauak parrilladak, tortilla lehiaketak, kirol hitzorduak eta erromeriak biltzen ditu.
Astelehenean, San Pedro egunaren bezperan, patata tortilla lehiaketa izango da, Izer eta Alabier trikitilarien doinuekin girotuta. Eguerdian, paella janaldia antolatu dute; txartelak ekainaren 21ean egongo dira salgai auzoko elkartean, 11:00etatik 13:00etara. Helduen menuak 23 euro balio du eta haurrenak, 10 euro.
Uztailaren 3an, ostiralean, parrillada egingo dute frontoian, eta ondoren, DJ Indate-ren saioak jarraituko du. Larunbatean, auzo afaria izango da; txartelak ekainaren 21ean eta 28an eskuratu ahal izango dira elkartean, 11:00etatik 13:00etara, eta gainontzeko egunetan Gazteategi tabernan. Helduen menuak 30 euro balio du eta haurrenak, 15 euro.
Jaiak uztailaren 5ean amaituko dira, kirol probekin eta erromeria batekin. Egitarauak, besteak beste, Gipuzkoako Bigarren Mailako Aizkolarien finala eta esku pilota partidak ere jasotzen ditu arratsaldean.
