Lehiaketa 09:30ean hasiko da, eta parte hartu nahi dutenek 10:30era arte izango dute izena emateko aukera. Ekitaldia ohiko moduan izango da, Zelai Ondo auzoko bolatokian eta inguruetan.
Bolan, gizonezkoen artean lehen lau sailkatuek 100, 80, 60 eta 40 euro jasoko dituzte, hurrenez hurren. Emakumezkoen kasuan, lehen bi postuak sarituko dira, kopuru berdinekin.
Tokari dagokionez, gizonezkoentzat lehen lau sariek 80, 60, 40 eta 20 euro izango dituzte. Emakumezkoek ere sari berberak eskuratuko dituzte lehen eta bigarren postuetan sailkatuz gero.
Gainera, sari bereziak izango dira. Lehen zarauztarrak 40 euro jasoko ditu bolan eta 20 euro tokari dagokionean. Federatu gabekoentzat, bolako saria 20 eurokoa eta tokakoa 10 eurokoa izango da.
Antolatzaileek gogorarazi dute jokalari bakoitzak ezingo duela joku bakoitzean sari bat baino gehiago eskuratu.
