Prozesu honen bidez, Durangoko bizilagunek 2027ko udal aurrekontuetan eragina izango duten egitasmoak hautatu ahal izango dituzte. Guztira 27 proposamen aurkeztu ziren, eta horietatik 15ek gainditu dituzte irizpide teknikoak.
Udalak 300.000 euroko partida bideratuko du, hiru multzo nagusitan banatuta: kirola eta gazteria, kultura eta euskara, eta gizarte gaiak zein jaiak. Multzo bakoitzak 100.000 euroko aurrekontua izango du.
Bozketan parte hartzeko, 16 urtetik gorakoa izatea eta Durangon erroldatuta egotea beharrezkoa da. Botoa emateko prozesua udalaren webgunearen bidez kudeatzen da, eta arlo bakoitzeko proposamen bana hautatzeko aukera dago.
