Durangok igandean hartuko du HOAC Bizkaiaren Eguna, memoria historikoa, parte-hartzea eta gizarte-konpromisoa ardatz izango dituen jardunaldia. Ekintza Katolikoaren Langileen Anaidia k (HOAC) antolatutako ekimenak, "Parte hartu eraldatzeko" lelopean, lurraldeko hainbat talde bilduko ditu.
Egitarauak memoria historikoa, gogoeta eta bizikidetza uztartuko ditu. Aurreikusitako jardueren artean, 1937ko bonbardaketarekin lotutako hainbat gune bisitatuko dira, bakearen kulturari eta oroimen kolektiboari erreparatuz.
Ondoren, parte-hartzaileek Andra Mari Basilikako mezetan parte hartuko dute 12:30ean. Jardunaldiak meza ondorengo ekitaldi publiko batekin jarraituko du eta Bizkaiko talde ezberdinen arteko bazkari partekatu batekin amaituko da.
“"El discurso dominante tiende a reforzar el individualismo y la idea de que no se puede cambiar nada"
Antolakuntzatik azpimarratzen dute parte-hartze soziala indartzearen garrantzia, indibidualismoaren eta komunitate-loturen galeraren aurrean. Erakundeak eguneroko esparruetatik, hala nola auzoa, lana, familia edo parrokia, topaguneak eta konpromiso kolektiboa berreskuratzeko beharra defendatzen du.
