Amorebieta-Etxanoko Udala k Amorebono 2026 kanpaina jarriko du martxan berriro, herriko merkataritza eta ostalaritza indartzeko eta tokiko establezimenduetan kontsumoa sustatzeko helburuarekin. Aurten, kanpaina irailaren 1etik abenduaren 28ra bitartean izango da, eta berrikuntza nabarmen batekin dator: bonuen kudeaketa errazteko web plataforma berri bat erabiliko da. Plataforma honek establezimenduen atxikipena, bonuen baliozkotzea eta trukea arinago egitea ahalbidetuko du.
Kanpainaren xehetasun guztiak eta berrikuntza hauek azaltzeko, Udalak bi informazio-saio antolatu ditu. Saioak uztailaren 20an eta 27an izango dira, 14:00etan, Zelaieta Auditoriumean. Bertan, plataforma berriaren funtzionamendua erakustaldi praktikoen bidez azalduko da, parte-hartzaileek izan ditzaketen zalantzak argituko dira eta kanpainaren garapenari buruzko informazio zehatza eskainiko da.
Antolatutako saioen helburua da merkataritza eta ostalaritzako establezimenduek tresna berria ezagutzea eta kanpaina hasi aurretik beharrezko informazio guztia izatea. Horrela, Amorebono 2026 ekimenean parte hartzea ahalik eta errazena izan dadin bilatzen da.
