Ekitaldia asteazken honetan izango da, arratsaldeko 19:00 etan, Durangoko San Agustin Kultur Gunea n. Abadiñoko Udala k Atxarteko harrobien paisaia berreskuratzeko plan berezia garatzen ari da, ikerketa-talde batekin batera. Helburua da gaur egun degradatuta dagoen ingurunea berreskuratzea, Urkiolako Parke Naturala n integratutako espazio bizi bihurtzeko.
“"Eremua herritarren zerbitzura jartzea da asmoa, balio sozial eta kulturala emanez, eta ingurumen-kontserbazioarekin bateragarria den topagune dinamiko bat sortuz."
Proiekzioaren ondoren, mahai-inguru bat egingo da hainbat profiletako adituekin, gaia ikuspegi zabalago eta anitzago batetik jorratzeko. Ekopol eko kide batek moderatuko du, eta dokumentalaren zuzendariak, ingeniari batek eta geologo batek parte hartuko dute, besteak beste.
Saio honen bidez, eskualde mailako gogoeta kolektiboa sustatu nahi da, birnaturalizazio prozesua udalerri bakar batera mugatu ez dadin eta Durangaldea ko eragile eta herritarren ahotsa jaso dezan.
Atxarte osatzen partaidetza-programak informazio-saio publikoak, tailerrak, inkestak, harrobira bisitak eta kontsultak egiteko eta proposamenak aurkezteko kanal digitalak jarri ditu herritarren eskura. www.atxarteosatzen.eus webgunean partaidetza-prozesuaren informazio eguneratua dago. Gainera, inkesta maiatzaren 14 ra arte egongo da zabalik.
“"Durangoko saio honekin, ikerketa-taldeak martxan duen partaidetza-prozesua eskualde osora zabaldu nahi dugu."
