Ekimenaren helburu nagusia psikologiaren arloa herritarrengana modu hurbil eta doakoan eramatea da. Jardunaldiak Errota kultur etxean eta Txanporta eraikinean egingo dira, 17:30ean hasita.
Lehenengo saioan, mugimenduak garunean eta ongizatean duen eragina aztertuko da. Bigarren hitzaldian, berriz, autozaintzaren inguruko gakoak emango dira, adin guztietako pertsonei zuzendutako saio irekietan.
Antolatzaileen arabera, jarduera hauek profesionalen lana ezagutarazteko eta gizarteari tresna baliagarriak eskaintzeko balio dute, Bizkaiko psikologoen elkargoaren babesarekin.
