Baztartxo zinemak datozen egunetarako programazioa ezagutarazi du, eta bertan hiru film berri izango dira ikusgai: Toy Story 5, El ser querido eta Resurrection. Azken hau, gainera, Matadeixe zinetogram taldeak antolatutako zineforuma izango da. Larunbatean, aldiz, ez da zinema emanaldirik izango, Pijama para seis antzezlana taularatuko baita.
Animaziozko Toy Story 5 filma igande arratsaldean proiektatuko dute, 17:00etan, haurrentzako ordutegian. Istorioak jarraitzen du Bonnie protagonistaren arreta bereganatu duten teknologia berrien eta gailu digitalen aurrean jostailu tradizionalek duten erronka berriari.
El ser querido filmak bi egun izango ditu ikusgai: igandean eta astelehenean, azken hau ikuslearen eguna izanik. Bi egunetan, 19:30ean hasiko da saioa. Pelikula honetan, Esteban Martinez zinema zuzendaria da protagonista, bere lan ibilbidean zein iragan pertsonalean gertatutako gertaera mingarriengatik ezaguna. Bere film berrian, alabari, Emilia ri, rol bat eskaintzen dio, bien arteko harremana hobetzeko asmoz, nahiz eta horrek iraganeko zauriak berriz ireki ditzakeen.
Azkenik, Resurrection drama eta zientzia fikzioa uztartzen dituen lana asteartean izango da ikusgai, 20:00etan. Argumentuak gizakiak amets egiteko gaitasuna galdu duen gizarte bat aurkezten du, non amets egiteak bizitza arriskuan jar dezakeen. Pertsonaia batek mundu onirikoaren ilusioak gordetzen ditu egoera horretan.
