Txosna batzordeko kideek adierazpen bat irakurri zuten gertatutakoa testuinguruan kokatzeko, eta iraganeko gertaerak ez ahazteko nahia adierazi zuten, etorkizunean errepika ez daitezen. Gainera, hainbat eragile eta elkartek emandako babesa eskertu zuten, hala nola Manttale, Txanbolin, Egape Dantza Taldea, Etxeberriko auzo elkartea, Berdeak, Aiurri eta Zanpatuz.
Antolakuntzaren garrantzia azpimarratu zuten, esperientziak erakutsi baitu antolatuz gero gauza asko lor daitezkeela. Etorkizunean ere antolatzen jarraitzeko konpromisoa hartu zuten, eta herritarrak parte hartzera animatu zituzten, bai biltzarretan eta iritziak partekatuz, baita jaietako mahaia jartzen edo barrako txandak eginez ere. Aurtengo festen leloa gogorarazi zuten: "Elkartuz, antolatuz, sortzen da ekintza".
San Mielak ostegunean hasi ziren, irailaren 24an, eta egitarau zabala prestatu da. Eguerdiko 18:00etan hasiko dira ekitaldiak Txorigorri Race-arekin, goitiberak Gaztelo eta Kiroldegiaren artean jaitsiko direlarik. Ondoren, 20:00etan, tortilla lehiaketa ospatuko da. Gaua borobiltzeko, 23:00etan kontzertua izango da Super Lore, Lappa, Mevallar eta Ganbara Estudios taldeekin, eta ondoren Dj Los Pintxes Juanes arituko da.
