Usurbil go anbulatorioan kalitatezko pediatria zerbitzu bat bermatzea eskatzeko, elkarretaratze jendetsua egin zen ostegun arratsaldean, ekainaren 11 n, Donostia Ospitalaren atarian. Herritarrek, gurasoek eta haurrek parte hartu zuten mobilizazioan, pankartetan "Usurbil pediatria zerbitzu duina orain!" eta "Orain eta behin betiko, pediatria zerbitzu duina bermatua" leloak zirela aldarrikatuz.
Mobilizazioari atxikimendua adierazi zioten Olatu Txuria osasungintza publikoaren aldeko iniziatibak eta Donostialdeako Osasun Publikoaren Aldeko Herri Plataforma k. Azken talde honek eskualdeko osasun zerbitzuek bizi duten egoeraren berri eman zuen eta datozen mobilizazioetan parte hartzeko deia luzatu zuen: ekainaren 12an, 11:30ean Errenteriako Iztietako anbulategia ren aurrean, eta ekainaren 18an, 17:30ean Lasarte-Oriako anbulatorioa ren aurrean, "ez dugu onartuko osasungintza publikoaren narriadura planifikatua" lelopean.
Deitzaileek ohar bidez azpimarratu zuten pediatria zerbitzu duina ez dela pribilegio bat, "gure seme-alaben oinarrizko eskubidea" dela. Horrez gain, Usurbilgo egoera ez dela "arazo isolatua", baizik eta "osasun sistema publiko osoari eragiten dion arazoa" dela gaineratu zuten, eta inguruko herrietako bizilagunei ere mobilizazioarekin bat egiteko deia egin zieten.
Gaur egungo egoerak konponbiderik gabe jarraitzen duelako eta orain arte jasotako erantzun eza dela eta, mobilizazioaren antolatzaileek Ararteko ari joko diote. Horretarako, ekainaren 5era arte udal instalakuntza batzuetan eskuragarri jarritako gutuna sinatu ahal izan zuten herritarrek, Arartekoari helarazteko.
Pediatria zerbitzua iazko apirilean eten zen Usurbilgo anbulatorioan. Ordutik, irailera arte, ez zegoen pediatrarik eta haurrak Lasarte-Oriako anbulatoriora bideratu zituzten. Honek hainbat kalte eragin zituen: gaixotasun kronikoak dituzten haurren arreta oztopatu zen, Lasarte-Oriako zentroa gainkargatu zen, Usurbilgo pediatraren, ikastetxeen eta gizarte zerbitzuen arteko elkarlana zaildu zen, eta zenbait kasutan, euskarazko komunikazioa zaildu zen pediatra erdaldunekin.
Datuen arabera, azken urtebeteko 98 lanegunetan bakarrik egon da haurrak artatzeko prestakuntza duen profesional bat, hau da, urteko lanegunetatik %37an. Zerbitzurik eskaini ez zen egunetan, alternatiba Lasarte-Oriako anbulatorioan artatuak izatea edo larrialdi zerbitzuetara joatea izan da.
Iazko irailean, udalbatzak mozio bat onartu zuen pediatria zerbitzu duina bermatzeko udalaren esku-hartzea eskatuz. Mozioa aurkeztu eta gutxira, pediatria zerbitzua berriro martxan jarri zuten, eguneko 3 ordu eta erdira mugatuta, "benetako konponbidea izanik urrun", egoera egonkortuz.
Gaur egun, Usurbilen 0-14 urte arteko 663 haurrek dute zerbitzu hau erabiltzeko eskubidea, baina oraindik ez dago bermatuta. Hilabete bakoitzeko azken astean ez dakite hurrengoan pediatrarik izango duten. Profesionalen falta, errotazio handia eta antolaketa arazoek zuzenean eragiten diote jasotzen duten arretari. Osakidetzan ehunka kexa aurkeztu badituzte ere, "oraindik ere ez dugu arazoari benetako irtenbidea emango dion erantzunik jaso" adierazi dute.
