Goizean tenperatura freskoekin eta zeru goibelarekin hasi bada ere eguna, arratsalderako eguzki izpiek argitu dute Zarautz eko Euskal Jai Eguna. Herritarrek kolore biziz jositako baserritar jantziekin bete dituzte kaleak, giro jaiak nagusituz.
Urtero legez, Gure Boza otxotea, txistulariak, trikitilariak, dultzaineroak eta Iturengo tunturroak izan dira kaleak alaitzen lehenak. Ondoren, hainbat ekitaldi izan dira herrian zehar: meza nagusia, haurrentzako jolasak eta Goiztarrak taldearen emanaldia Frontoi Txikin.
Karrozak erakusteko txapelketan, Jose Luis Lasa k eta Amaia Zuazobide k landutako lanak ikusgai izan dira Musika Plazan. Epaimahaiak Lasari eman dio lehen saria eta Zuazobidek bigarrena jaso du.
Eguerdian, Lege Zaharren Enparantzan jokatu den orga lehiaketan, Jokin Aranberri ren 'Molla' orgak irabazi du lehen saria, eta Iñigo Arrillaga ren 'Arrillagatarrak' orgak bigarrena. Hirugarren saria ez banatzea erabaki dute.
Lizardi aretoa jendez beteta egon da arratsaldean, Alproja k 'Asko genuen esateko' emanaldia eskaini baitu, euriarekin izandako iragarpenengatik.
Arratsaldean eta gauean ere ekitaldi ugari izango dira. Gehienak Iñurritzan izango dira, baina Musika Plazan, txosnagunean eta Lege Zaharren Enparantzan ere izango da zer gozatua. Egitarauak kalejirak, erromeriak, haurrentzako jolasak eta dantzaldia jasotzen ditu.
