Hilabeteotan zehar antolatu diren ekimenen ostean, Usurbil F.T.-k bere mende laurdeneko ibilbidea borobildu zuen joan den larunbatean, ekainaren 27an, ospakizun egunean. Eguerditik aurrera elkartu ziren herriko futbolaren inguruko kideak, herrian zehar egindako poteo musikatu batean parte hartuz. Gauerdi txarangako kideek girotu zuten ekitaldi hau, kalejira batetik bestera lagunduz.
Jarraian, Usurbil F.T.-k 50 urte hauetan zehar bidelagun izan dituen pertsonak biltzeko antolatutako bazkarira joan ziren. Agerialdeko frontoian egindako otordu erraldoi honek, herriko futbolari lotuta urteetan eraikitako komunitateko kide ugari bildu zituen, belaunaldiarteko topaketa handi bihurtuz.
Bazkalostean, ospakizunak kalejira musikalarekin jarraitu zuen, berriz ere Gauerdi txarangak lagunduta. Ondoren, The Hastelen´s taldearen eskutik iluntzeko kontzertuaz gozatu ahal izan zuten bertaratutakoek.
