Kalteak ikastolako bi eraikinetan gertatu ziren: hainbat leiho eta ate hautsi dituzte, komun bat lehertu eta hormak pinturaz zikindu dituzte, besteak beste.
Udaltzaingoa jazotakoa ikertzen hasia da, eta gertatutakoa argitzeko laguntza eskatu die herritarrei. Erasotzaileek bazekiten nondik sartu eta kalteak eragiteko materiala non topatu zezaketen, ateak txikituta eta leihoak mailu txikiekin puskatu baitituzte.
Lehenago ere eragin izan dira kalteak ikastolan, baina oraingoan areagotu egin da gertaeren larritasuna. Lehertuta agertu den komunaren kasuan, petardo batekin egin dute, eta zerbait larriagoa gerta zitekeen.
“"Ikastolaren komunitate osoari egindako eraso larria da, eta ez da onargarria. Guztion ondasun publiko baten aurkako eraso baten aurrean gaude, eta halako gertaerek ez dute lekurik gure herrian."
Herria ospakizun betean zegoen unean egindako erasoa "mingarria eta ulergaitza" dela adierazi dute, batez ere hezkuntzari lotutako espazio batean gertatu delako.
Usurbilgo alkate Agurtzane Solaberrieta Mesak adierazi duenez, festak oro har ondo joan diren arren, ikastolako gertakariek balorazio hori mikaztu egin dute.
