Aitor Esteban en bisitaren ostean, PNVk argi utzi du Pasaia ko Portua eta Oarsoaldea ko trenbide-azpiegiturak Euskadiren lehentasun estrategikoak direla. Alderdiak adierazi duenez, eskualdeko "bihotza" den portuak ezin du gehiago itxaron Estatuko atzerapenengatik.
Alderdi jeltzalearen arabera, portuak "herrialde estrategia baten ikuspegipean erabaki eta inbertsio gaitasun propioa" behar du. Horregatik, azpiegitura hau Euskadiri transferitzea aldarrikatzen dute, "Euskadiren lehentasun ekonomiko, industrial eta logistikoekin lerrokatzeko" eta "lehiakortasunaren, Europako konektibitatearen, ekonomia urdinaren eta etorkizuneko industriaren zerbitzura dagoen tresna bihurtzeko".
PNVk gogorarazi du Pasaia ko Portuak 60 milioi eurotik gorako inbertsio behar dituela 2030era arte lehiakortasuna bermatzeko. Kanalaren nabigagarritasuna hobetzea, kaiaren eraberritzea, sakoneraren handitzea, espazio logistikoen modernizazioa eta trenbide-konexioen garapena ezinbestekoak dira portuaren etorkizuna ziurtatzeko.
Alderdiak azpimarratu du behar horiek "kudeaketa hurbilagoa, konprometituagoa eta Euskadiren interesekin hobeto lerrokatua" eskatzen dutela. Gainera, portuaren etorkizuna ezin dela ulertu "dauden trenbide-azpiegituren garapenik gabe".
Horregatik, portuaren transferentziarekin batera, "Lezoko terminal intermodal eta logistikoaren berehalako exekuzioa eta horri lotutako trenbide-jarduketa guztiak behin betiko bultzatzea" eskatzen dute. Horrez gain, "Y vasca"-ren Astigarraga–Oiartzun–Lezo tartea bizkortzea ezinbestekotzat jotzen dute, merkantzien eta bidaiarien trafikoak bereizteko, trenbide-ahalmena handitzeko eta portua Europako sareekin konektatzeko.
Azkenik, PNVk "nazioarteko zabalerako (UIC) trenbide-konexioa berehala ezartzea" ere aldarrikatzen du porturaino, Astigarraga-Irun artean ezarritako hirugarren biaisaren antzeko irtenbide bat.
