Euskal Trenbide Sareak (ETS) kudeatutako azpiegitura berria Gure Zumardiaren azpian kokatuta dago. Proiektu honek Altzako eta Galtzarabordako geltokien arteko lotura hobetzea du helburu, trenbide-saihesbide berriaren bidez. Lan horiek amaituta, Euskotrenen zerbitzuak maiztasun handiagoa izango du, 7,5 minutuko tarteekin Amaratik Pasaiara bitarteko ibilbidean.
Bisitetan parte hartu nahi duten herritarrek izena eman beharko dute gaurtik ekainaren 8ra arte. Izena emateko bideak Amarako geltokiko Topogunea, posta elektronikoa edo telefono bidezko arreta dira. Bisitak arratsaldez egingo dira, eta taldeak mugatuak izango dira.
“"Altza eta Galtzaraborda arteko saihesbidea abian jarri aurreko asteetan gaude eta egindako lanaren emaitza erakutsi nahi diegu herritarrei. Bere egunerokoa obra honek nola aldatuko duen azaldu nahi diegu."
Azpiegitura berriak Antxoko fisonomia aldatuko du, gaur egun herria bitan banatzen duen biaduktua eraitsiko baita. ETS-k adierazi duenez, trazadura Molinao errekastoa eta inguruko eraikinak errespetatuz diseinatu da, eta geltokiak mezzanine edo lurpeko atondo bat du nasak lotzeko.
