Denboraldia amaitzear dagoela, Usurbil K.E.-ko hainbat taldek fase garrantzitsuak izango dituzte jokoan. Kadete mutilek, bereziki, Euskal Ligara igotzeko aukera izango dute, Euskadiko txapelketan hirugarren postuan sailkatu eta gero, eta Estatuko 24 talde onenen artean egonda.
Taldeak 2026-27 denboraldian Euskal Ligan jokatzeko fasea jokatuko du maiatzaren 8tik 10era, etxean, Oiardo kiroldegian. Lehiakideak Corazonistas, Muskiz eta Tolosa izango dira hiru neurketetan.
Horrez gain, eskubaloi taldeen bilgunetik jakinarazi dutenez, kadete mutilen eskubaloi taldeak Espainiako txapelketa ere jokatuko du. Txapelketa horren zortzi sektore jokatuko dira maiatzaren 14tik 17ra, horietako bat Iruñean, hilaren 15etik 17ra. Bertan lehiatuko dira Usurbil K.E.-koak Nafarroako Anaitasuna A taldearekin, Valentziako Monsolar Maristas Algemesi taldekoekin eta Kataluniako Barça taldekoekin.
Asteburu horretan, Usurbil K.E.-ko jubenil mutilek ere Euskal Ligarako fasea jokatuko dute Gasteizen. Eskubaloi eta futbol partidak ere izango dira Oiardo kiroldegian eta Haranen, ohi bezala, asteburuan zehar.
