Donostia izan da aste honetan ENLIGHT Staff Week 2026 ren egoitza, non 28 unibertsitate ezberdinetako 40 profesional baino gehiago elkartu diren. EHU da aliantzako kide gisa lehen aldiz antolatzen duen staff week hau. Parte-hartzaileak hiru taldetan banatuta, nazioarteko langileen harrera, nazioartekotze-jardueren aitorpen profesionala eta unibertsitateen identitate bisual koherentea bezalako gaiak landu dituzte.
Topaketa honetan, ENLIGHT sareko hamar unibertsitateez gain (Gante, Bordele, Gotinga, Groninga, Upsala, Tartu, Bratislava, Galway eta Berna), Europako beste hogei unibertsitate eta Western Washington University (AEB) ordezkaritza izan da. Ekitaldiaren helburua unibertsitate ezberdinen artean esperientziak eta praktika onak partekatzea izan da, nazioartekotzearen erronkei aurre egiteko.
Lehen lan-taldeak nazioarteko ikertzaile eta langileen integrazio eta atxikipen zerbitzuei buruzko esperientziak partekatu ditu. Bigarren taldeak nazioartekotze-jardueretan parte hartzea nola aitortu daitekeen aztertu du, bai irakasle zein administrazio eta zerbitzuetako langileentzat. Azkenik, hirugarren taldeak unibertsitateen identitate bisualaren inguruko eztabaida eta marka instituzionalaren erabilera sistematikoa sustatzeko moduak landu ditu.
Topaketa honen amaieran, talde bakoitzak egindako ondorioak partekatuko dira, nazioartekotze prozesuetan aurrera egiteko helburuarekin.
