Datorren astean, abuztuaren 3tik 5era bitartean, Hernaniko Kaxkoko saneamendu sarearen urteroko mantenu garbiketa egingo da. Lan hauek hainbat kale mozketa eragingo dituzte trafikoan.
Egun bakoitzean kale bateko saneamendua garbituko da. Abuztuaren 3an, Kale Nagusia itxiko dute Gudarien Plazatik hasita 8:30ean.
Abuztuaren 4an, Andre kalearen txanda izango da. Garbiketa lanak Gudarien Plaza aldetik hasiko dira, eta plaza hori zamalanetarako irekita egongo da.
Azkenik, abuztuaren 5ean, Atzieta kaleko sarea garbituko da, musika eskolatik hasita. Kale hori ere itxita egongo da lanak irauten duen bitartean.
Bestalde, gaur, Aldabe farmazia dago zabalik Perkaztegi kalea, 8 zenbakian.
