Astigarragako Santio Jaiak 2026 ospatzeko kartela aukeratu dute: Jose Luis Pulido Calvo-ren 'Zalaparta' izeneko lana izango da. Udaleko Kultura Departamentuak guztira 12 proposamen jaso zituen jaiak iragartzeko. Jai batzordeko kideek kartel guztiak aztertu eta bozkatu ondoren erabaki zuten Pulido Calvoren diseinua aukeratzea. Kartela jaietako programan eta sustapen materialetan erabiliko da.
Kartela Astigarragako kultura eta ospakizunen elementu esanguratsuenak biltzen dituen mosaiko bisual handi bat da. Bertan agertzen dira musika, dantza, konpartsak, erraldoiak eta buruhandiak, tradizio herrikoia, kirola, herritarren parte hartzea eta arkitektura enblematikoaren erreferentziak. Elementu hauek guztiak elkarri lotzen dira, festa giro komunitarioa islatzen duen eszena bakar bat osatuz. Kolore biziak eta kontrasteak erabiltzeak jaietako alaitasuna, energia eta izaera herrikoia indartzen ditu, hurbileko, alaia eta tokiko identitatez betetako irudia transmitituz.
Bestalde, Pelotari kalea itxita egongo da ostiralera arte, obren azkeneko asfaltatze eta pintaketa lanak burutzeko. Martxoan egin zen lehen zatia, eta orain, kaleko lanak amaitzeko, Zubitxo frutadendatik Eroski pareraino doan eremua osatuko dute. Lan horiek amaitu bezain laster emango dira amaitutzat Pelotari kaleko bidegorri zatiaren obrak.
