Abisu hori hau apirilaren 29an, 30ean, maiatzaren 2an, 3an, 7an, 8an eta 9an izandako eguraldi txarraren jarraipena da. Aurreikuspenen arabera, ordu batean 15 l/m² baino gehiago pila daitezke, zaparrada ertain eta trumoitsuak espero direlarik, zenbait lekutan handiak izan daitezkeelarik.
“"Ordubetean 15 l/m² baino gehiago pila daitezke. Zaparrada ertainak eta trumoitsuak egingo ditu, eta zenbait lekutan handiak izan daitezke, bereziki Gipuzkoan eta Araban. Txingorra (1-3 cm) egin dezake eta haize-bolada oso gogorrak izan daitezke (60-80 km/h)."
Usurbilen, maiatzaren 10ean, igandea, zerua hodei gutxirekin edo partez hodeitua egongo da goizean; arratsaldean, berriz, bero-hodeiak garatuko dira, zaparrada txiki-ertainak eta trumoitsuak ekarriz. Hego-mendebaldeko haize ahul-bizia ibiliko da, bolada gogorrekin eta oso gogorrekin, eta arratsaldean brisa sartuko da. Tenperaturak ez du aldaketarik izango.
Astelehenean, maiatzaren 11n, antzeko eguraldia espero da: goizean zerua hodei gutxirekin edo partez hodeitua, eta arratsaldean bero-hodeiak garatuko dira, zaparrada txikiak, zenbait lekutan ertainak eta trumoitsuak izan daitezkeenak. Hego-mendebaldeko haize ahul-bizia eguerditik aurrera ipar-osagaitik finkatuko da. Tenperatura minimoetan ez da aldaketarik izango, eta maximoak gutxi igoko dira.
Asteartean, maiatzaren 12an, goizaldean hodeiak ugaritu egingo dira, eta gainerako orduetan zerua hodeitsu egongo da. Goizetik aurrera zaparrada txikiak egingo ditu, arratsaldean zenbait lekutan ertainak. Ipar-osagaiko haize ahul-bizia ibiliko da, gauean bolada gogor batzuekin. Tenperatura minimoetan ez da aldaketarik izango, eta maximoak gutxi edo nahikoa jaitsiko dira.
