Errenteriako Udala lehen ordutik harremanetan dago Eusko Jaurlaritzako larrialdietako eta Osasun Publikoko arduradunekin, Pasaiako Portuan izandako sutearen bilakaeraren jarraipena egiteko. Osasun Publikoko arduradunek udal ordezkariei adierazi dietenez, une honetan ez dago Errenterian neurri berezirik hartzeko beharrik.
Errenteriako zenbait puntutan sutearen ondoriozko usaina sumatu badaiteke ere, Osasun Publikoko arduradunek adierazi dute, une honetan eskuragarri dagoen informazioaren arabera, ez dela beharrezkoa herritarrentzat aparteko neurririk ezartzea.
Hala eta guztiz ere, Errenteriako Udalak egoeraren jarraipena egiten segituko du, Eusko Jaurlaritzako arduradunekin koordinatuta. Egoerak hala eskatuz gero, herritarrei hartu beharreko neurriak Udalaren ohiko komunikazio-bideen bidez jakinaraziko dizkie.
