EAJ-PNV k Astigarragako udalbatzan mozio bat aurkeztu du, etorkizuneko DBH institutuaren obren lizitazioa «ahalik eta lasterren aktibatzeko» eskatuz. Talde jeltzaleak salatu egin du EH Bildu k proiektu honen inguruan «erabilpen politiko eta partziala» egiten ari dela.
Taldeak gogorarazi du bere jarrera argia izan dela beti: «Astigarragak DBH behar du eta EAJ-PNV beti lan egin du hori egia bihurtzeko». Azaldu dutenez, martxan dagoena ez da inprobisazioz sortu, eta alderdi jeltzalearen apustua duela urte hasi zen, lehenengo LH rekin eta orain DBH rekin.
Proiektuak lurzati baten baldintza tekniko eta geologiko garrantzitsuak zirela eta egokitu behar izan du, indusketak, zimendu konplexuak eta lur mugimenduak aurreikusi behar izan direlarik, hasierako kostua ere handituz. Hala ere, proiektua aurrera doa administratiboki eta teknikoki, eta gaur egun, gauzatze proiektua amaituta dago eta lizitazio fasean dago.
EAJ-PNV k bereziki larritzat jo du alkatearen eta EH Bildu ren azken asteotako jarrera. «Alkateak gezurra esan dio herritarrei, berari zegokionak ez ziren datak aginduz eta faltsuak ziren itxaropenak sortuz. Ezin da politikoki jokatu hainbeste familiarentzat garrantzitsua den gai batekin», adierazi dute.
Talde jeltzaleak salatu du halaber EH Bildu ren «desleialtasun instituzionala» eta guraso elkartea erabili izana beste erakunde batzuen aurkako konfrontazio politiko estrategia bat elikatzeko. «EH Bildu k zarata eta demagogia nahiago izan du erantzukizunez eta rigorrez lan egin beharrean», gaineratu dute.
Gainera, EAJ-PNV k gogorarazi du bera izan zela proiektua blokeatu zuena, Astigarragan DBH egiteko lurzati bideragarri bat bilatuz. «EH Bildu arazo geologiko eta tekniko handiak zituen kokaleku baten alde tematzen zen bitartean, EAJ-PNV k alternatiba errealista bat bilatzen lan egin zuen proiektua aurrera ateratzeko».
Udal taldeak adierazi du orain garrantzitsuena dela konfrontazio politikoa atzean uztea, koordinazio instituzionala indartzea eta izapideak bizkortzea obrak ahalik eta lasterren hasteko. Administrazio bakoitzak bere eskumenen ardura hartu behar du proiektua arintzeko: Eusko Jaurlaritza, Udala eta parte hartzen duten gainerako erakundeak. «Astigarragak ez ditu fotomontajeak behar, ezta propaganda kanpainak ere. Informazio zorrotza, seriotasun instituzionala eta proiektuaren aurrerapena behar ditu».
Horregatik, EAJ-PNV k mozio bat eraman du udalbatzara, lizitazio prozesua berehala aktibatzeko eskatuz, hezkuntza sailaren konpromisoa jasoz, eta udalak ere proiektua esleitu ondoren beharrezko udal izapide eta lizentzia guztiak arintzeko konpromisoa har dezan.
Talde jeltzalearen arabera, «tamalez, EH Bildu k proposamena atzera bota du eta, berriz ere, ikuspegi txikia erakutsi du. Gai hau politika partidista egiteko erabiltzen dutenen aurrean, EAJ-PNV arduraz lanean jarraituko du DBH egia bihurtzeko. Izan ere, proiektu hau ez da inongo alderdiren jabetzakoa: Astigarragarena eta bertako familienena da».
