Kapitain Etxean kokatutako museoak zortzi jantzi hautatu ditu, mendean zehar izandako aldaketa estetiko eta sozialak irudikatzeko. Erakusketak Art Nouveau mugimenduaren kurba naturaletatik hasi eta Art Déco estiloaren geometriaraino egiten du bidaia, erdialdeko hamarkadetako produkzio industrialaren sinpletasuna ahaztu gabe.
Erakusketaren arduradunek nabarmendu dutenez, jantziekin batera, garai bakoitzeko altzarien argazkiak eta kolore joerak biltzen dituzten hiru metroko panelak jarri dituzte. Horrela, industri iraultzak, gerrek eta gerraosteko kontsumo ohiturek gizartean eta indumentarian izan duten eragina ikusarazi nahi dute.
“"Gizartean izandako aldaketek eragin zuzena izan dute indumentarian, altzarigintzan, arkitekturan eta eskulturan."
Museoak erakusketa iraunkorra berritzeko lanak egingo ditu ekainaren 13tik 28ra, eta tarte horretan lehen eta bigarren solairuak itxita egongo dira. Hala ere, ekainaren 20an, 17:00etatik 19:00etara, bisita gidatu bereziak antolatu dituzte muntaketa prozesua bertatik bertara ezagutu nahi dutenentzat.
Bisita hauetan parte hartzeko aurretiazko izen-ematea beharrezkoa da, Errenteriako turismo bulegoaren bidez. Erakusketa nagusia, aldiz, doan bisitatu daiteke larunbatetan (11:00-14:00 eta 17:00-20:00) eta igande zein jaiegunetan (11:00-14:00).
