Usurbilgo Udala k prest du 2026-27 denboraldirako kirol ikastaroen eskaintza. Jakinarazi dutenez, izen-ematea abuztuaren 17tik irailaren 6ra arte egongo da zabalik, aurreko urteetan bezala, telematikoki galdetegi bat betez. Plaza kopurua eskariaren gainetik balego, irailaren 8an zozketa egingo da.
Oiardo kiroldegia eraberritze lanetan ari denez, iazko sutearen ondorioz, lanak amaitu arte ez da uretako ikastarorik eskainiko. Aldi horretan, behin-behineko saioak antolatu ditu Udalak.
Udalak ematen dituen hobariak ere jaso daitezke kiroldegiko abonu eta ikastaroengatik. Usurbilen erroldatutako eta baldintza ekonomikoak betetzen dituzten bizikidetza-unitateek %50eko, %75eko edo %90eko hobariak lor ditzakete.
2026-27 ikasturterako eskaintza zabala izango da, besteak beste, aretoko jarduerak (eskalada, entrenamendu funtzionala, spinning, pilates, yoga), emakumeei zuzendutakoak (haurdunak, erditze ondorengoa) eta behin-behineko ikastaroak (aquagym, spinning + multiekintzak).
