Urnieta ko Salesianos ikastetxeak Alemaniako Troisdorf hiriko Georg Kerchenstein ikastetxetik etorritako zortzi ikasle eta hiru irakasle hartu ditu aste batez. Jarduera hau Lanbide Heziketa Oinarrizkoaren nazioartekotzea sustatzeko programa baten barruan kokatzen da, ikasleei esperientzia zuzenen bidez ikaskuntza prozesuan aurrera egiteko aukera emanez.

Bisitariak Arte Grafikoak eta Merkataritza Zerbitzuak espezialitateetan murgildu dira. Horrela, ikasle eta irakasle bisitariek gertutik ezagutu ahal izan dute Salesianos Urnietako Lanbide Heziketa Oinarrizkoaren lan metodologia, antolaketa eta eguneroko jarduna.

Urnieta ko hezkuntza zentroak ia 15 urteko ibilbidea du Lanbide Heziketa Oinarrizkoan. Nazioartekotzea zentroaren helburu estrategikoa denez, "ezinbestekoa da Lanbide Heziketako etapa guztietan presentzia izatea", adierazi dute Ander Loyarte eta Nerea Lizartza, nazioartekotze arloko koordinatzaileek. Esperientzia hau "oso positiboa" izan dela azpimarratu dute, bai arlo akademikoan bai pertsonalean, eta horri esker kultura aniztasuna, bizikidetza eta ingelesa hizkuntza komunikaziorako erabiltzea bezalako alderdiak landu ahal izan dira.

Urnietako Salesiarrek duela urteak daramatzate nazioartekotzea indartzen. Ikasleak Europako herrialdeetako enpresetara bidaltzeaz gain, ikasturte honetan zehar hainbat irakasle eta ikasle bertaratu dira Urnietako Lanbide Heziketako zentrora, beraien lan metodologiak eta esperientziak bertatik bertara ezagutzeko. Alemaniarren kasua izan da azken adibidea.