Herri barruko autobus zerbitzuaren proiektua 2027an jarriko da martxan. Orain arte, auzo batzuetan egindako bileretan eman dira zerbitzu berriari buruzko lehen azalpenak. Oraingoan, bilera ireki bat egingo da herritar guztiei proiektuaren xehetasunak azaltzeko, besteak beste, aurreikusitako ibilbidea, maiztasuna eta geltokiak zehazteko.
Bilera azaroaren 16an izango da, astelehena, 18:30ean, Udaletxeko pleno aretoan.
Bestalde, udalak aparkalekuen egoera aztertzeko ikerketa bat egin du, eta haren emaitzak herritarrei aurkeztuko dizkie abenduaren 14an, astelehena, 18:30ean, baita ere Udaletxeko pleno aretoan. Bilera honetan, azterketaren ondorioak aurkeztuko dira, ekarpenak jasotzeko eta herriko aparkalekuen arazoari aurre egiteko urratsak elkarrekin aztertzeko.
Udalak herritar guztiak gonbidatzen ditu bi bilera hauetan parte hartzera.
