Partida oso lehiatua izan zen atzo arratsaldean Ibarrako zelaian. Lehen zatian bi taldeek izan zituzten gol aukerak, baina markagailua hutsean mantendu zen atsedenaldira arte. Bigarren zatian, ordea, emozioa areagotu zen.
Aurkariek aurrea hartu zuten area kanpoko jaurtiketa baten bidez, eta horrek desordena eragin zuen etxeko taldean. Hala ere, UDA Aretxabaletak berehala erreakzionatu zuen, eta Ander Fernandez Pachecok berdinketaren gola sartu zuen, Aimar Madinak eskuin aldetik egindako erdiraketa bikain baten ondoren.
Momentu horretan, UDA Aretxabaleta indartsuago agertu zen, baina ezusteko jokaldi batean Josu Aizpurua kanporatu zuten, eta taldea jokalari bat gutxiagorekin geratu zen. Egoera horretan, etxekoek defentsan jarri zituzten indar guztiak, eta kontraerasoan arriskua sortzen jarraitu zuten. Penalti bat lortu zuten, partiduko bigarrena, eta Fernandez Pachecok berriro ere asmatu zuen, 2-1ekoa ezarriz. Emaitza horrekin amaitu zen norgehiagoka.
“"Puntu asko lortu ditugu etxean aurrean dabiltzan taldeen kontra; ez dugu partidurik galdu."
Garaipen honekin, UDA Aretxabaletak 42 puntu ditu eta hamargarren postuan jarraitzen du sailkapenean, zortzi talde atzetik dituela. Lagun Onak, berriz, laugarren postuan dago 52 punturekin. Denboraldia amaitzeko lau jardunaldi falta dira, eta UDA Aretxabaletak hurrengo partida eguaztenean jokatuko du, apirilaren 15ean, 20:00etan, Pasaiaren aurka Jesus Mari Zamora futbol zelaian.
