Gipuzkoako Aldizkari Ofizialean argitaratu dira dagoeneko laguntza hauen oinarriak. Dirulaguntza hau landa auzoetako gune nagusietatik isolatuta dauden eta kanpoaldean argiteria publikoa ez duten eraikinen kanpoaldean jarritako argi puntuen energia kontsumoa finantzatzeko da.
Helburu nagusiak dira eraikinaren sarrera nagusia argitzea eta eraikina seinaleztatzea. Dirulaguntza jaso dezaketen gastuak deialdia egiten den urteko kontsumoarenak izan beharko dira, betiere udalarenak edo baimendutakoak izatea, katastroan alta emanda eta auzoko gune nagusitik isolatuta dauden egoitza-eraikinetako sarrera edo erabilera orokorreko eraikinak argiztatzea, kanpoaldean argiteria publikorik ez izatea eta argi puntua pizteko sistemak funtzionatzea.
Dirulaguntzaren zenbatekoa 30 eurokoa izango da argi puntuko. Informazio zehatza, eskaera non eta nola egin, eta aurkeztu beharreko dokumentazioari buruzko xehetasun guztiak eskoriatza.eus/tramiteak/dirulaguntzak/landa-guneetako-argiteria-sistementzako-dirulaguntzak-2026/ webgunean kontsulta daitezke.
