Uztailaren 31 an, Oñati ko Urbia ko zelaietan San Inazio erromeria tradizionala ospatuko da. Ekitaldiak Arantzazu tik igoko diren ehunka mendizaleren topagune izango dira, baita Segura, Zegama eta inguruko Araba ko herrietatik datozenak ere.
Gipuzkoa eta Araba ko parzoneriak antolatutako ekitaldiak eguerdiko 11:30ean hasiko dira, meza eta bertsoekin Urbia ko ermita zaharrean. Ondoren, parzoneriak eskainitako hamaiketakoa eta trikitilariak, herri kirolak eta Sukia eta Marki ren musika izango dira.
Aurtengo berrikuntza nagusietako bat da Oñatiko Udala k autobus zerbitzua indartuko duela, Oñati eta Arantzazu artean bigarren ibilgailu bat jarriz. Horrela, 07:30etik 19:30era bitartean, autobusak joan-etorrian ibiliko dira, erdi orduan behin, ekitaldira joatea errazteko.
Nahiz eta bertako fonda eraberritzen ari diren, Txomin Parrillak eta Basabe Garagardoek eskainitako catering zerbitzuari esker ez da janari eta edaririk faltako.
