Geurea RT-k Getxo ren aurka jokatu zuen azken jardunaldiko partida, eta garaipen honek bigarren postua ziurtatu zien. Partida hasieran, bosgarren minuturako, bisitariak 5-7 aurretik ziren, Getxo k hirugarren minutuan lortutako entseguari buelta emanez. Haizea Zabala ren entseguari eta Ane Rincon en transformazioari esker lortu zuten abantaila.

Ordu laurdenerako, etxekoak berriro aurretik jarri ziren (10-7), baina talde euskaldunaren erantzuna berehala iritsi zen, hasierako bi protagonista berdinekin. Hala ere, hiru minutu geroago, Getxo k beste kolpe bat eman zuen, markagailua 15-14an jarriz. Etxekoek errentari eutsi zioten lehen zatiko ordu erdia bete arte, eta laugarren entsegua eginda, Getxo k abantaila handitu zuen (20-14).

Zorionez, oraingoan ere Geurea RT-ren erantzuna berehala iritsi zen, June Iglesias en eta Jone Ugalde aren entsegu banarekin. Horrela, 20-24ko abantailarekin joan ziren bi taldeak atsedenaldira. Bigarren zatia hasi bezain pronto, bosgarren minutuan, Iglesias ek berak bisitarien errenta handitu zuen bere bigarren entsegu pertsonala lortuta (20-29).

Hortik aurrera, Zabala ren taldeak errentari eusteari ekin zion, eta lortu ere egin zuten, epaileak partidaren amaiera adierazi arte markagailua ez baitzen gehiago mugitu. Horrela, Geurea RT-k garaipen baliotsua ekarri du Fadura tik, liga bigarren postuan amaitzeko. Jokatutako 18 jardunaldietan, talde euskaldunak bederatzi garaipen lortu ditu, guztira 44 puntu batuz, Gaztedi liderrak baino 18 gutxiago. Datorren astetik aurrera, ligako amaierako fasea hasiko da, partida bakarrera jokatuko diren kanporaketekin, lehenak final laurdenak izango direlarik.