Kanpanzar Arrasate k Elorrio ren aurka galdu zuen azken jardunaldian, baina hirugarren postuan mantentzen da. Hala ere, Getxo k oraindik partida bat du jokatzeke Atletiko San Sebastian en aurka, eta bonus puntua lortuz gero, arrasatearrak laugarren posturaino jaitsiko lirateke.

Egoera horretan, Kanpanzar Arrasate k Elorrio izango luke aurkari igoera fasean. Elorrio k, txapeldun izan arren, uko egin dio zuzenean kategoriaz igotzeari, Espainiako Errugbi Federazioa k Ohorezko B mailan jokatzeko eskatzen dituen betebeharrak ez dituelako betetzen.

Ondorioz, Elorrio k playoffa jokatuko du atzetik sailkatu diren hiru taldeen aurka: Uni Bilbo, Kanpanzar Arrasate eta Getxo. Kanporaketak maiatzaren 9ko eta 16ko asteburuetan jokatuko dira, itzulerako partidak lehen eta bigarren sailkatuen etxeetan izango direlarik, hau da, Elorrio eta Uni Bilbo ren zelaietan.

Beraz, ziurra den gauza bakarra da Kanpanzar Arrasate k itzulerako partida etxetik kanpo jokatuko duela, San Roke n edo El Fango n. Getxo k bonus puntua lortuko ez balu, Uni Bilbo litzateke Kanpanzar Arrasate ren aurkaria playoffean.

Bestalde, senior mailako nesken taldeak garaipena lortu zuen San Roke n, Gipuzkoa Sortzen en aurka. Partida hasiera bikainaren ostean, non Maia Guridi, Aizea Blanco eta Aiora Agirregomezkorta ren entseguei esker 15-0 aurreratu ziren, bisitariek markagailua estutu zuten. Bigarren zatian, Jone Ugaldea eta Maia Guridi ren entseguek garaipena ziurtatu zuten, 27-13ko emaitzarekin.

Asteburuko beste protagonista batzuk Pirolitikak izan ziren, Valladolid en ospatutako Intercatia Fest txapelketan parte hartu baitzuten. Bertan, 35 urtetik gorako 500 emakume baino gehiago bildu ziren. Arrasate Errugbi Taldeko amek lan bikaina egin zuten, jokatutako hiru partidak irabazi eta bederatzigarren postuan sailkatuz.