Aretxabaletako txirlo tiraldian, Jose Angel Fernandez (Elgeta) izan zen nagusi, zazpi txirlo botata. Haren atzetik, Juanjo Uranga (Lastur) sailkatu zen, sei txirlorekin. Bost txirlo lortu zituzten Gotzon Uranga (Lastur), Anartz Esteban (San Joxepe), Bittor Astigarraga (Elgeta) eta Boni Plaza (Elgeta) jokalariek.
Sailkapen nagusiari dagokionez, Aretxabaletako Gorka Madinabeitia dago buruan, 22 txirlorekin. Emakumezkoen kategorian, Asola Berriko Enara Montiel da lehen postuan. Kadeteetan, Axel Sixto da nagusi, eta alebinetan, Luken Martino. Adinekoen artean, Elgetako Bittor Astigarraga da lehenengoa.
Bikoteka, Bittor Ugarteburu eta Bittor Astigarraga daude lehen postuan, 34 txirlorekin. Horien atzetik, txirlo bat gutxiagorekin, Aretxabaletako Eñaut Kortabarria eta Gorka Madinabeitia daude. Hurrengo txirlo tiraldia Lasturren izango da, apirilaren 18an, arratsaldeko 17:00etan.
