Topaketa Aretxabaletako osasun zentroko bilera gelan izango da, goizeko 9:30etik arratsaldeko 17:00etara. Jardunaldian zehar, federazioak arreta pertsonalizatua eskainiko die udalerriko eta inguruko familia interesdun guztiei. Nahiz eta ez den derrigorrezkoa, nahi dutenek aurretiko hitzordua eska dezakete itxaronaldiak saihesteko eta arreta lehentasunez jasotzeko.
Antolakuntzaren zerbitzuei eta jarduerei buruzko informazioa emango da, baita Euskadin familia ugarien eskubideei, laguntzei eta indarrean dauden hobari publikoei buruzkoa ere. Gainera, bertaratutakoek planteatutako zalantzak, iradokizunak eta balizko erreklamazioak ere artatuko dira.
Hirukidetik azaldu dutenez, jorratuko diren gai nagusien artean, familia ugari izatearen baldintzarekin lotutako eskubideak, eskuragarri dauden laguntzak eta baimenak, seme-alaben hazkuntza eta mantenuari laguntzeko berrikuntzak, eta Familia Lege berriaren aurreproiektua daude. Era berean, Aretxabaletan tokiko mailan dauden laguntzei eta deskontuei buruzko xehetasunak eskainiko dira, eta familien ekarpenak jasoko dira.
Azken urteetan onartutako eta, federazioaren arabera, "familia askorentzat oraindik ezezagunak" diren berrikuntza garrantzitsuenetako batzuk ere azalduko dira. Horien artean, bonu sozial elektrikoa eta termikoa, hazkuntza eta mantenu laguntzen zabaltzea, eta familia ugari izatearen baldintzaren luzapena nabarmentzen dira.
Oraindik ezezagunak dira familia askorentzat.
1999an sortua, Hirukide irabazi-asmorik gabeko erakundea da, Eusko Jaurlaritzak 2003an onura publikokoa deklaratua. Bere lana familia ugarien eskubideak defendatzean datza bizitza politiko, instituzional, sozial, mediatiko eta enpresarialeko esparru guztietan. Gaur egun, 8.200 familia baino gehiago biltzen ditu Euskadin, autonomia erkidegoan indarrean dagoen titulu ofiziala duten familien laurden bat gutxi gorabehera.
