Aurkezpenean, Ganbara Faktoriaren finantzaketan bazkide eta lagunen ekarpenaren funtsezko garrantzia azpimarratu da, finantzaketa publikoaz gain. Adierazi dutenez, ekarpen horiek gabe, elkartearen jarduera ia ezinezkoa litzateke. Gaur egun, 120 pertsona inguruk egiten dute ekarpena, eta horiek hainbat abantaila jasotzen dituzte, hala nola deskontuak eta sarrerak.
“"Urte potentea izan zen, kontzertu asko izan genituelako. Ganbara zein Hotseko kideak nazio mailako hainbat ziklotan izan ginen emanaldiak eskaintzen. Batez ere, Luminiscence proiektua izan genuen, Donostiko katedralean egin zen ikus entzunezko proiektu handi bat. Ganbara abesbatzako kideak hamar aldiz joan ginen bertara, eta 20 aldiz egin genuen proiektua. Horrek ekintza kopurua handitu zuen. Hala ere, talde bakoitzak bere lana du, urteko bere funtzioa, eta osotara 70 ekintza egin zirela uste dut, lau taldeei begira."
Eskerrak emateko asmoz, beste urte batez, bazkide kontzertua antolatu dute. Ekitaldia igande honetan izango da, Oñatiko Mikel Goiaingeruaren Parrokian, arratsaldeko 19:00etan hasita. Kontzertuak 'Atzera begira' izena du, eta Ganbara Faktoriak urte hauetan konpositore ezberdinei eskatutako 60 lan inguru biltzen ditu. Horietako batzuk entzuteko aukera izango da emanaldian. Bazkide ez direnei ere gonbita luzatu diete, eta sarrerak zortzi eurotan daude salgai txokolaterian eta elkartearen webgunean.
2025eko jardueraren balorazioa ere egin dute, urte hori ohi baino emankorragoa izan zela azpimarratuz, 70 ekintza inguru egin baitzituzten. 2026rako aurreikuspenak ere onak dira, eta nahiz eta jarduera 'ohikoagoa' izan, hainbat ekintza izango dira. Horien artean, 'Oñati Gure Herria' izeneko kontzertua eta Ganbara zein Hots abesbatzek lehiaketa ezberdinetan parte hartzea. Berrikuntzak ere iragarri dituzte, hala nola 'Sokaz soka' izeneko haur eta gazteen arteko topaketak edo Beethovenen 9. sinfonia oinarri duen kontzertu didaktiko bat.
