Lan horiek egiteko proiektua Aitziber Izura arkitekto teknikoari eskatu zitzaion. Eltzian ikasgela bat egokitzeko lanetarako 271.000 euro beharko direla kalkulatu da, eta kopuru hori jaso da lizitaziorako oinarrizko aurrekontu moduan. Esleipen irizpide nagusia enpresen eskaintza ekonomikoa izango da (%75), baina berme epea luzatzea, egikaritza epea murriztea eta berdintasuna ere kontuan hartuko dira.
Gaurko bileran, gainera, emakumeentzako aholkularitza juridiko zerbitzua kontratatzea ere proposatuko da. Zerbitzu hau Emakumeen Etxeko zerbitzuen baitan jasotzen da eta aurreko ikasturteetan izan duen erabilpen positiboa baloratu ondoren, 2026-2027 ikasturtean Emakumeen Etxean txertatzea erabaki zen. Udaleko Berdintasuna departamentuak aurtengoa probako urte moduan planteatzen du, eta ondoren zerbitzua egonkortzeko urratsak emango dira. Horretarako, herrian ibilbidea eta esperientzia izatea premiazkotzat jo da, eta Irule zerbitzu juridiko eta psikosoziala enpresari kontratua eskaintzea erabaki zen. Enpresak eskaintza onartu duela jakinaraziko zaio gobernu taldeari arratsaldeko bileran.
Bestelakoan, diru kontuak izango dira hizpide gaurkoan: jai nagusien antolakuntzan zein auzotako jaietan aritu diren taldeek aurkeztutako kontu zuriketak aztertuko dira, baita ere Mikel Goiaingeruaren Parrokiak jaso zuen udal dirulaguntzaren inguruko zuriketa.




